قصة  حقيقية  جديدة ل الفتاة المسكونة          

ﺍﻟﺤﻠﻘﺔ 1

.
ﺃﻧﺎ ﺻﻮﻓﻴﺎ .. ﻓﻌﻤﺮﻱ 26 ﻋﺎﻡ .. ﻏﺎﺩﻱ ﻧﻌﺎﻭﺩ ﻟﻴﻜﻢ ﻋﻠﻰ ﺃﺻﻌﺐ
ﻟﺤﻈﺎﺕ ﻭﺃﺻﻌﺐ ﺳﻨﻮﺍﺕ ﻋﺸﺘﻬﻢ ﻫﺎﺩﻱ 6 ﺳﻨﻴﻦ .. ﻛﺎﻧﺖ ﺣﻴﺎﺗﻲ
ﻋﺎﺍﺍﺩﻳﺔ .. ﺣﺘﺎﻝ ﻭﺍﺣﺪ ﺍﻟﻨﻬﺎﺭ ﻟﻲ ﺗﺒﺪﻻﺕ ﺣﻴﺎﺗﻲ .. ﻟﺪﺭﺟﺔ ﻛﻨﺖ
ﻛﻨﺘﻤﻨﻰ ﻟﻮ ﻧﻤﻮﺕ .. ﻫﺎﺩﺷﻲ ﺑﺪﺍ ﻣﻨﻴﻦ .. ﺑﺎﺑﺎ ﺗﺤﻮﻝ ﻟﻮﺍﺣﺪ ﺍﻟﺨﺪﻣﺔ
ﺃﺧﺮﻯ ﻓﻤﺪﻳﻨﺔ ﺃﺧﺮﻯ ﻭﻣﺸﻴﻨﺎ ﺗﺤﻮﻟﻨﺎ .. ﺳﻜﻨﺎ ﻓﻮﺍﺣﺪ ﺍﻟﻔﻴﻼ .. ﻛﺎﻧﺖ
ﺍﻟﺪﻧﻴﺎ ﺧﺎﻭﻳﺔ ﺷﻮﻳﺔ ﺗﻤﺎ .. ﻭﻗﺪﺍﻣﻨﺎ ﻭﺍﺣﺪ ﺍﻷﺭﺽ ﻛﺒﻴﻴﻴﻴﻴﺮﺓ ﺧﺎﻭﻳﺔ .. ﻛﺎﻧﺖ
ﻫﺎﺩﻳﻚ ﺍﻟﺒﻼﺻﺔ ﻳﺎﻟﻼﻩ ﻛﻴﺒﻨﻴﻮ ﻓﻴﻬﺎ ﺍﻟﻨﺎﺱ .. .... ﺷﻬﺮ ﺍﻟﻠﻮﻝ ﺩﺍﺯ ﻣﺰﻳﺎﻥ
.. ﻛﻨﺖ ﺃﻧﺎ ﻟﻲ ﻛﺒﻴﺮﺓ ﻓﺎﻟﺪﺍﺭ ﻭﻋﻨﺪﻱ ﺟﻮﺝ ﺧﻮﺗﻲ ﺗﻮﺍﻡ ﺻﻐﺮ ﻣﻨﻲ ..
ﻣﻜﻨﺘﺶ ﻛﻨﺂﻣﻦ ﺑﺎﻟﺠﻨﻮﻥ .. ﻛﻨﺖ ﻛﻨﻘﻮﻝ ﻏﻲ ﺗﺨﺮﺑﻴﻖ ﻭﺻﺎﻓﻲ .. ﻭﺍﺣﺪ
ﺍﻟﻤﺮﺓ ﻛﺎﻧﺖ ﻋﻨﺪﻧﺎ ﺧﺎﻟﺘﻲ .. ﻭﻛﺎﻧﺖ ﻣﺮﻳﻀﺔ .. ﻛﺎﻧﻮ ﻛﻴﻘﻮﻟﻮ ﻓﻴﻬﺎ ﺍﻟﺼﺮﻉ
.. ﻭﻛﻨﺎ ﺟﺎﻟﺴﻴﻦ ﻛﻨﻬﺪﺭﻭ ﻛﺎﻧﺖ ﺟﺎﺕ ﺗﻐﺪﺍ ﻣﻌﺎﻧﺎ .. ﺳﻤﻌﺖ ﻣﺎﻣﺎ
ﻛﺘﻘﻮﻟﻴﻬﺎ .. ﺇﻳﻮﺍ ﻣﺰﺍﻝ ﻣﺘﺒﻌﺔ ﺍﻟﺮﻗﻴﺔ .. ﻗﺎﺗﻠﻴﻬﺎ ﺁﻩ ﺩﺍﺑﺎ ﺍﻟﺤﻤﺪ ﺍﻟﻠﻪ ﺍﻟﺠﻦ
ﻟﻲ ﻛﺎﻥ ﺳﺎﻛﻨﻲ ﺧﺮﺝ .. ﻭﺃﻧﺎ ﻧﺠﻲ ﺑﺪﻳﺖ ﻛﻨﻀﺤﻚ .. ﻗﺘﻠﻴﻬﺎ ﻟﻮﺍﻩ
ﺳﺎﻛﻨﻚ ﺑﻮﺑﺮﻳﺺ ﺃﻭﻳﻠﻲ ﺃﺧﺎﻟﺘﻲ ﺭﺍﻩ ﻫﺎﺩﺷﻲ ﻏﻲ ﺗﺨﺮﺑﻴﻖ .. ﻣﺎﻟﻜﻢ
ﻣﺰﺍﻟﻴﻦ ﺟﺎﻫﻠﻴﻦ .. ﻧﺘﻲ ﺭﺍﻩ ﻛﺎﻥ ﻋﻨﺪﻙ ﻣﺮﺽ ﻧﻔﺴﻲ .. ﻗﺎﺗﻠﻲ ﺳﻜﺘﻲ
ﺳﻜﺘﻲ ﺩﺍﺑﺎ ﻳﺴﻤﻌﻮﻙ .. ﺃﻧﺎ ﺑﺪﻳﺖ ﻛﻨﻀﺤﻚ ﻭﻛﻨﻘﻮﻟﻴﻬﺎ .. ﻭﺍﺟﻨﻮﻥ ﻭﺍﺟﻨﻮﻥ
ﺃﻧﺎ ﻣﻜﻨﺂﻣﻨﺶ ﺑﻴﻜﻢ .. ﻟﻲ ﺳﻤﻴﺘﻮ ﺭﺍﺟﻞ ﻓﻴﻜﻢ ﻳﺠﻲ ﻟﻴﺎ .. ﻭﻛﻨﻀﺤﺎﺍﺍﻙ ..
ﻣﻬﻴﻢ ﺩﺍﺯﺕ ﻭﺍﺣﺪ 3 ﻳﺎﻡ .. ﻛﻨﺖ ﺩﺧﻠﺖ ﺑﺎﻟﻠﻴﻞ ﻟﻠﺪﻭﺵ ﻛﻨﺪﻭﺵ ..
ﻭﻛﻨﻐﻨﻲ .. ﺟﺎﺗﻘﺎﺕ ﻋﻠﻴﺎ ﻣﺎﻣﺎ .. ﺻﻮﻓﻴﺎ ﺑﻨﺘﻲ ﻟﻴﻞ ﻫﺎﺩﺍ ﻣﺘﻐﻨﻴﺶ
ﻓﺎﻟﺤﻤﺎﻡ .. ﻗﺘﻠﻴﻬﺎ ﻏﺎﺩﻱ ﺗﻘﻮﻟﻲ ﻟﻴﺎ ﺍﻟﺠﻨﻮﻥ ﻋﺎﻭﺗﺎﻧﻲ .. ﺑﺪﻳﺖ ﻛﻨﻀﺤﻚ
.. ﻭﻛﻨﻘﻮﻝ ﻭﺍﺟﻨﻮﻥ ﻭﺍﻟﻤﺠﺎﻧﻴﻦ .. ﻭﺍﻓﻴﻨﻜﻢ .. ﺇﻳﻮﺍ ﻃﺮﺍ ﻟﻲ ﻋﺎﻣﺮﻱ ﻛﻨﺖ
ﻧﻈﻨﻮ ﻳﻄﺮﺍ ﻭﻟﻲ ﺑﺪﻝ ﻟﻴﺎ ﻛﺎﻉ ﺍﻟﻤﻔﺎﻫﻴﻢ .. ﺃﻧﺎ ﻏﻲ ﺑﺎﺵ ﻧﻔﻘﺺ ﻣﺎﻣﺎ ..
ﺑﺪﻳﺖ ﻛﻨﻘﻮﻝ ﺍﻟﺠﻨﻮﻥ ﻛﺘﺴﻤﻌﻮﻧﻲ ؟.....
.